张智霖大病愈后看破生死，吴卓羲越来越爱做戏，柏豪眼泪唔值钱，《大湾仔2.0》啱收官就暗示有续集！

不知不觉咁

《大湾仔的夜2》就要收官咯

最后一集循例都兴玩啲煽情嘢嘅

今次佢哋就上演“回忆杀”

写信俾20岁嘅自己

平时最活跃嘅吴卓羲

戏里戏外都冲动

嚟到最后一集好似

突然“大个仔”咁变得好感性

对住啲喵喵都特别温柔

讲到20岁，佢就话见到

依家啲后起之秀都好努力

自己亦都越来越爱演戏

仲记得佢以前

曾经喺节目度吐槽工作时长

但吐槽归吐槽

佢都好明白一个道理

“你唔做大把人争”

兢兢业业、诚诚恳恳

阿Ron都算积累咗唔少人气

出彩嘅作品亦唔少

最近喺《廉政狙击》中嘅表现

仲俾到大家惊喜添

已经第二次参加大湾仔嘅张智霖

写信俾后生嘅自己的时候

就话希望自己可以keep住嗰份童心

依家睇嚟

chilam好似唔止守住咗童心

连童颜都keep得超好啰

但佢都话自己知道

生老病死係自然规律

要用平常心去对待

仲记得之前

佢因为唔注意而得病

搞到最后要做手术

真係担心si啲粉丝噶

虽然係要接受自然规律啊

但注意身体健康作息

先可以更好咁keep住

年轻嘅心身啊嘛

最后生嘅周柏豪

首次参加呢类真人秀

喺最后佢都好感慨

知道自己以前嘅不成熟

同时好感恩依家拥有嘅一切

讲讲下甚至飙埋眼泪添

睇嚟经历过高山低谷

佢对人生有咗好深感触

其他哥哥都喺信件中

留下自己嘅希冀与期待

回忆自己嘅20岁

眼睛都泛起泪光咁

《大湾仔的夜2》虽然收官

但官方就发出

“江湖路远，不说再见”嘅slogan

感觉好似第三季

马上就会come back咁哦

唔知大家

仲会唔会继续追住看？

你哋又会希望见到边位哥哥咧？

部分资料来源：微博、豆瓣

网络信息综合整理

编辑：郭玮

审核：曾敏妍

签发：骆苹