蔡少芬因为四句歌词情绪崩溃、秋瓷炫手忙脚乱挑战rap，徐怀钰划水演出拖后腿！“乘风”姐姐姐话题多多

去年夏天

《乘风破浪的姐姐3》

用“情怀杀”

令甜心教主王心凌翻红

嚟到第四季

情怀已经好难满足大家啦

要真正有实力嘅舞台

先可以吸引大家

继续睇落去噶

所以

今年节目都正式改名为

《乘风2023》听个名就知

节目组嘅目标几高啦

为咗舞台效果更加亮眼

节目组拣啲歌难度升级

首首都又唱又跳

唔走音嘅同时

仲要舞蹈够齐够power

“浪姐”大多数都系跨界而来

原先在唱跳方面

就係要挑战自我嘅

所以好多姐姐一睇到任务

都纷纷拗晒头

首当其冲嘅就係

耿直嘅娘娘蔡少芬

今次公演曲目上

其实佢亦只得四句歌词

竟然紧张到记唔住

匿埋喺角落头嬲爆爆

娘娘急到闹自己“白痴”

最后仲崩溃大喊

抱住汪小敏猛话：

“生仔都冇咁辛苦啊！”

不过喊还喊

喊完都要keep返嘅靓样

即刻同眼睛补妆

真係又心痛又好笑

而另一位

同样“备受煎熬”的

仲有“品如”秋瓷炫

佢唔单止要跳舞

仲要挑战一段韩文rap

虽然话係佢嘅母语

但rap呢家嘢真係大挑战

第一次尝试rap嘅佢

完全唔知道点开口

为咗唔令大家失望

佢仲专门飞返去韩国

请教rap嘅专业人士

可见佢好努力咁准备演出

后来喺舞台上

虽然舞就跳得手忙脚乱

美感度差咗啲

但佢喺rap方面嘅努力冇白费

舞台都有出彩嘅部分

得到大家一致好评

不过都唔係个个姐姐

都有娘娘、品如嘅拼劲

有的姐姐划水严重到

被网友吐槽上热搜啵~

讲嘅就係“平民天后”徐怀钰

佢出道凭一首《我是女生》

红遍大江南北

当时嘅唱跳功底都唔差

所以当初大家见到

“姐姐”阵容有徐怀钰

大家对佢嘅表演都十分期待

唔少歌迷观众

将佢直接对标

上一季再次爆红嘅王心凌

期待佢可以带返啲“回忆杀”

或者俾大家惊喜

点知

一公舞台播出后

大家对佢嘅表演好失望

事关，佢喺舞台上

明显动作慢过人

要偷偷望住队友先跟到节奏

最后成队人成绩分数垫底

唔少网友都觉得係

因为佢拖咗后腿

对比同组嘅贾静雯

练习嘅态度差天共地

当初网上就有传闻

贾静雯现场开撕徐怀钰

就係同排练投入度有关

一公舞台之后

徐怀钰嘅经纪人发长文回应

因为商演+演唱会的原因

奔波嘅行程影响咗表演嘅体力

影响咗节目的表演效果

（部分截图）

有咁好嘅舞台机会

却唔好好珍惜

实在浪费机会

网友对佢嘅“道歉”唔多buy咯~

话晒今期姐姐个个都好搏

一公舞台已经火力全开

有五位姐姐已经被淘汰咗：

陈冰、王佳宇、唐伯虎、

许靖韵、凯丽

徐怀钰靠队友之力

有得留低已经非常幸运

希望佢之后表现认真啲

体现到佢道歉嘅诚意啦

呢期播出后

你印象最深嘅姐姐又係边位啊

欢迎喺评论区同我哋分享下啦~